Plataforma ONE

Onde o ecosistema emprendedor innovador se conecta.

A Plataforma ONE é unha iniciativa do Goberno de España que une a startups, persoas investidoras, mentoras, institucións e empresas para impulsar a innovación. Nacida da lei de startups (Lei 28/2022) no marco da estratexia España Nación Emprendedora, esta plataforma foi desenvolvida por Red.es, entidade do Ministerio para a Transformación Dixital e da Función Pública, con financiamento dos fondos Next Generation EU.

A nosa misión é converternos no punto de encontro virtual onde todos os axentes do ecosistema emprendedor innovador colaboran, intercambian coñecementos e acceden aos recursos que necesitan para facer crecer os seus proxectos.

Que ofrece a Plataforma ONE?

Aquí poderás atopar todo o que necesitas se estás a emprender ou desexas comezar o teu proxecto en España. Para aproveitar ao máximo todos os servizos, rexístrate na Plataforma ONE e, en só dous minutos, formarás parte do principal punto de encontro virtual do emprendemento innovador en España, tendo acceso a:

explore

Mapa de emprendemento

Para facilitar o networking, a xeración de colaboracións entre empresas ou a procura de partners, entre outros obxectivos.

sms

Servizo de soporte

Para resolver dúbidas sobre a Lei de startups, trámites, o uso da Plataforma ONE ou outras consultas, orientándote ou derivándote ao canal axeitado.

pageview

Autodiagnósticos interactivos

Para axudarche a comprender mellor o teu modelo de negocio e o teu perfil como persoa emprendedora, identificando fortalezas e áreas de mellora.

contextual_token

Contido exclusivo

Con información de valor para o ecosistema emprendedor innovador, novidades do sector e recursos útiles para o teu proxecto.

calendar_month

Agenda personalizada

Para localizar eventos relevantes, oportunidades de networking ou encontros empresariais, e xestionalos directamente dende o teu calendario.

add_comment

Proposta de contidos

Permitíndoche suxerir actividades, axudas, convocatorias ou recursos que aínda non se atopen na Plataforma ONE, contribuíndo a enriquecer o ecosistema.

Os obxectivos da Plataforma ONE, en detalle

Favorecer o emprendemento innovador

Temos a misión de que máis persoas atopen facilidades e coñecementos para poñer en marcha o seu emprendemento innovador a través de contidos de interese, acceso a trámites e un servizo de soporte.

Atraer talento internacional

Acompañaremos as persoas emprendedoras de fóra de España, os chamados “nómades dixitais”, para que poidan instalarse doadamente no país a través de información e acceso a trámites.

Ofrecer recursos de capacitación

Faremos un labor intenso para desenvolver contidos de calidade, moi dirixidos a startups e ao emprendemento innovador, así como a outros axentes do ecosistema.

Promover o desenvolvemento tecnolóxico e o seu financiamento

Trataremos de apoiar o desenvolvemento tecnolóxico a través da publicación de contidos e informes, a selección de eventos e axudas ou convocatorias e a organización de eventos propios.

Facilitar a colaboración entre o ecosistema emprendedor innovador

Comprometémonos a poñer en marcha iniciativas e servizos para impulsar os hubs de emprendemento en España e conectalos con outros ecosistemas europeos.

Impulsar a cultura emprendedora

Poremos especial foco en iniciativas de emprendemento rural, de impacto social, aumento da presenza de mulleres no ecosistema emprendedor, emprendemento inclusivo… e un longo etcétera.

1/ 6

O papel de ONE no impulso do emprendemento feminino

En ONE traballamos cada día para integrar a perspectiva de xénero en todo o que facemos:

Visibilizamos o talento feminino nos nosos casos de éxito, monográficos e infografías, garantindo que as voces expertas inclúan mulleres líderes.
Promovemos a linguaxe inclusiva, porque cremos que as palabras tamén constrúen igualdade.
Inspiramos ás novas xeracións a través de referentes femininos: os seus negocios e estilos de liderado non só son un exemplo para outras mulleres, tamén enriquecen a visión dos homes e fortalecen a diversidade e a competitividade do ecosistema emprendedor innovador.

Convidámosvos a ver o vídeo que preparamos, no que queremos render homenaxe ao esforzo de todas as emprendedoras, e animámosvos a compartilo nas vosas redes para axudarnos a amplificar esta mensaxe e seguir impulsando a igualdade no emprendemento innovador. Grazas a todas as mulleres emprendedoras, empresarias, investidoras e responsables de iniciativas públicas e privadas que impulsan este ecosistema e forman parte da Plataforma ONE, o punto de encontro do emprendemento innovador en España.