ConversaciONEs: produto vs marca. O gran debate do valor na era dixital

Xa está dispoñible o novo episodio de Conversacións, o pódcast da Plataforma ONE!

Nesta ocasión, convidámosche a mergullarche nun dos debates máis intensos do ecosistema emprendedor: onde reside o verdadeiro valor na era dixital, no produto ou na marca? Dúas voces con perspectivas complementarias únense nunha conversación directa e sen filtros:

• Ángel Gutiérrez, CEO de Catalyst Tools, defende o poder do produto como motor de crecemento, demostrando como o seu IA logrou unha eficiencia sen precedentes.
• Lucía de Grao, CEO de Wemon, achega a visión estratéxica do ecosistema, analizando como unha marca sólida pode ser o único diferenciador real nun mercado competitivo.

Ao longo de varios bloques, o programa ofrece unha radiografía destas dúas filosofías de creación de valor. Primeiro, cada participante presenta o seu proxecto e explica como construíu valor desde o seu enfoque: a eficiencia tecnolóxica ou a diferenciación de marca. A continuación, desmontamos os mitos que rodean ao emprendemento na era dixital contrastando visións sobre IA, corporacións e liderado.

Nun exercicio práctico, quen participa no debate analizan que pesa máis —produto ou marca— en cada unha das fases de crecemento dunha startup, desde a fase Pre-seed ata a Mature. Finalmente, o episodio culmina cunha pregunta decisiva: se tivesen que investilo todo, apostarían polo produto perfecto sen marca ou pola marca irresistible cun produto básico?

Este formato conversacional mostra como non existe unha única fórmula para crear valor no ecosistema emprendedor. Demostramos que tanto o produto como a marca poden ser camiños válidos cara ao éxito, pero que o momento, a execución e o contexto son os factores que realmente marcan a diferenza.

Dálle ao play e descobre a estratexia detrás das empresas: o produto ou a marca!