A Plataforma ONE en Startup OLÉ Salamanca 2026 : The ONE Shot e Startup Hunt

A Plataforma ONE estará presente en Startup OLÉ Salamanca 2026, un dos principais encontros internacionais dedicados ao emprendemento, á innovación e ao investimento. Un espazo de referencia onde startups, persoas emprendedoras, investidoras, corporates e axentes do ecosistema se reúnen para xerar novas oportunidades de negocio, colaboración e innovación.

Nesta nova edición, a Plataforma ONE participará cunha proposta deseñada para impulsar as conexións entre os diferentes actores do ecosistema emprendedor e facilitar a creación de relacións de valor que poidan traducirse en oportunidades reais de colaboración e investimento.

Queremos axudarche a conectar coas persoas axeitadas, dar visibilidade ao teu proxecto e abrir a porta a novas oportunidades de crecemento!

Actividades da Plataforma ONE

The ONE Shot

O networking comeza desde o primeiro momento!

A activación da Plataforma ONE terá lugar durante o cóctel de networking do próximo 14 de outubro ás 14:00 horas mediante unha proposta experiencial: The ONE Shot. Esta iniciativa contribuirá a xerar un contorno distendido e participativo, deseñado para facilitar o encontro entre quen integra o ecosistema e fomentar conexións de valor desde o inicio do evento.

Startup Hunt

Conecta o teu proxecto con novas oportunidades!

Como complemento de The ONE Shot, poñerase en marcha Startup Hunt, unha dinámica gamificada de conexión dirixida a persoas emprendedoras, investidoras e representantes de corporates. Esta iniciativa favorecerá a xeración de interaccións de valor desde o inicio do evento e recoñecerá os proxectos cun mellor desempeño relacional.

Á súa chegada ao cóctel de networking, as persoas emprendedoras inscritas na dinámica a través da Plataforma ONE serán identificadas mediante un distintivo vermello, mentres que as persoas investidoras levarán un azul e as representantes de corporates, un amarelo. Este sistema facilitará a identificación dos diferentes perfís e permitirá ás persoas emprendedoras participantes achegarse ás persoas investidoras e ás representantes de corporates durante a velada para presentarlles o seu proxecto.

Tras 90 minutos, as persoas investidoras e as representantes de corporates votarán o proxecto que máis lles interesase. Os proxectos gañadores obterán o recoñecemento ONE Fast Track. Neste sentido, seleccionarase un proxecto gañador por cada categoría: Investor e Corporate.

ONE Fast Track

Converte unha conversa nunha oportunidade real!

Os proxectos gañadores de cada categoría recibirán o ONE Fast Track, un recoñecemento que lles permitirá acceder, unha vez finalizada a actividade, a tres reunións individuais de 30 minutos con persoas investidoras ou representantes de corporates, segundo a categoría obtida.

Este formato permitirá dar continuidade ás conexións xeradas durante a actividade e transformalas en reunións de alto valor, facilitando que os contactos iniciados durante o cóctel evolucionen cara a oportunidades concretas de colaboración, investimento ou desenvolvemento de negocio.

Queres participar?

Só tes que estar inscrito na Plataforma ONE e facer clic no botón da esquerda «REXISTRARSE NO EVENTO». Unha vez completado o rexistro, enviarémosche máis información sobre a túa participación.

Participa e xera conexións estratéxicas para impulsar o teu proxecto!