Maximizando o networking - O poder da intelixencia de negocio

Este webinar dinamizado por Pau Vidal ten como obxectivo mostrar como a intelixencia de negocio de Dealroom.co se converte nunha ferramenta estratéxica clave para identificar e conectar con startups, persoas investidoras, corporacións e outros axentes relevantes do ecosistema, ampliando a túa rede e xerando novas oportunidades.

Este webinar está dirixido principalmente a:

• Persoas investidoras que exploran oportunidades. Aprende a usar a intelixencia de negocio para atopar startups innovadoras e proxectos con alto potencial.
• Corporacións que buscan innovación. Descubre como as grandes empresas poden atopar e conectar con startups disruptivas que fomenten a innovación.
• Startups en busca de socios. Coñece como identificar posibles colaboradores estratéxicos para facer crecer o teu negocio.
• Persoas interesadas en emprender. Identifica os sectores tractores e proxectos referentes nos que te podes basear para desenvolver o teu negocio ou coñecer ofertas de emprego para formar parte do ecosistema emprendedor.

Ademais, durante o webinar presentaranse casos de éxito onde as conexións realizadas a través da intelixencia de negocio deron lugar a alianzas e oportunidades de negocio, demostrando o poder do networking no ecosistema.

O webinar contará coa participación dunha persoa experta de Dealroom que nos trasladará o valor da intelixencia de negocio de Dealroom na Plataforma ONE.

Non perdas a oportunidade de aprender a usar a intelixencia de negocio para conectar cos axentes clave que poden impulsar o teu proxecto. Agardámoste!