Bet On Ceuta 2026

Bet On Ceuta celebra a súa cuarta edición no Teatro Auditorio Revellín, na Cidade Autónoma de Ceuta, e está dirixido a startups, axentes investidores, empresas tecnolóxicas e institucións interesadas no desenvolvemento do sector dixital e do xogo online. O encontro busca facilitar sinerxías, impulsar novas oportunidades de investimento e promover o emprendemento na rexión.

A axenda do evento combinará contidos especializados con actividades orientadas ao networking. Trataranse temas como a regulación do xogo online en España, o impacto económico do sector en Ceuta, a incorporación de criptomoedas na industria e os retos en competitividade, sustentabilidade, identidade dixital, investimento e fiscalidade. Ademais, as persoas asistentes poderán gozar dun percorrido guiado polo litoral ceutí seguido dun cóctel de benvida no Parque Marítimo, xunto con outras dinámicas deseñadas para favorecer a conexión profesional.

En edicións anteriores, Bet On Ceuta contou con relatoras e relatores de referencia como Juan Jesús Vivas, presidente da Cidade Autónoma de Ceuta; Kissy Chandiramani, conselleira de Economía, Facenda e Función Pública; e Cristina Pérez, delegada do Goberno da Cidade Autónoma de Ceuta, así como representantes de Asensi Abogados, Jdigital, Sportium, ElenPay, VARGROUP e a Cámara de Comercio de Ceuta, entre outros.