South Summit 2026

South Summit-ek hamabosgarren edizioa egingo du La Nave-n (Madril), 2026ko ekainaren 3tik 5era, eta nazioarteko erreferentziazko topaketetako bat dela sendotuko du ekintzailetza-ekosisteman, berrikuntza irekian eta mundu mailako inbertsioan. Talentua, kapitala eta teknologia lotzen hamar urte baino gehiago eman ondoren, ekitaldia funtsezko gune izaten jarraitzen du aliantza estrategikoak sortzeko eta proiektu berritzaileen hazkundea bultzatzeko. 

Ekitaldia honako hauei zuzenduta dago: startupei, pertsona ekintzaileei, pertsona inbertitzaileei, corporates, inbertsio-funtsei, azeleragailuei, unibertsitateei eta erakunde publikoei, eraldaketa ekonomikoarekin, jasangarritasunarekin eta garapen teknologikoarekin konprometituta daudenei. Madril berriro kokatzen da Europaren eta nazioartean garrantzitsuak diren beste ekosistema batzuen arteko lotura-puntu natural gisa.

South Summit Madrid 2026ren programazioak modu transbertsalean jorratuko ditu ekintzailetza-ekosistemak eta berrikuntzak mundu mailan dituzten erronka eta aukera nagusiak. Ekitaldian zehar, proiektuen hazkundeari eta eskalagarritasunari, negozio-ereduen jasangarritasunari, eragina duen berrikuntzari, pertsonek eraldaketa teknologikoan duten paperari eta teknologia emergenteen bilakaerari lotutako gaiak landuko dira, ekintzailetzaren egungo eta etorkizuneko erronken ikuspegi zabal eta konektatua eskainiz.

South Summit Madrid 2026k balio handiko edukien agenda bat konbinatuko du konexio estrategikoak sortzeko diseinatutako guneekin:

• Startup Competition: nazioarteko ekintzailetza-ekosistemako lehiaketarik ospetsuenetako bat, edozein sektore, herrialde eta garapen-fasetako startupentzat irekia. Mundu mailan 100 startup itxaropentsuenak hautatzen ditu, eta horiek beren proiektua aurkezten diote pertsona inbertitzailez eta corporatesez osatutako nazioarteko epaimahai bati. 
• 1:1 bilerak: startupen, inbertsio-funtsen eta enpresa handien arteko topaketa pertsonalizatuak, inbertsio- eta lankidetza-aukera errealak errazteko. 
• Mahai-inguruak eta keynotes: lehen mailako speakerekin egindako eztabaidak berrikuntzari, teknologiari, finantzaketari, talentuari, eragin sozialari eta negozio-eredu berriei buruz. 
• Networking ekitaldiak: pertsona sortzaileen, inbertitzaileen eta enpresa eta erakundeetako ordezkarien arteko harreman estrategikoak indartzeko diseinatutako jarduerak. 
• Sektorekako guneak eta berrikuntza-esperientziak: fintech, health, climate tech, industria, mugikortasuna, eragin soziala eta teknologia emergenteak lantzeko guneak. 

Azken edizioan, South Summit-ek ekintzailetza-ekosistemako komunitate zabala bildu zuen, 7.500 startup baino gehiago, 2.100 pertsona inbertitzaile baino gehiago, 134 herrialde baino gehiagotako ordezkariak eta 20.000 parte-hartzaile baino gehiago elkartuta, harreman estrategikoak, negozio- eta inbertsio-aukerak eta nazioarteko lankidetza sortzeko ingurune egokia eratuz.