Digital Enterprise Show 2026

Digital Enterprise Show ekitaldiak hamargarren edizioa egingo du Malagako Azoka eta Kongresu Jauregian (FYCMA), eta Europako negozioari aplikatutako eraldaketa digitalari, adimen artifizialari eta teknologia aurreratuei buruzko nazioarteko B2B ekitaldi nagusietako bat dela sendotuko du. Topaketak enpresa teknologikoak, korporazio handiak, administrazio publikoak, startupak eta adituak bilduko ditu, ezagutza partekatzeko, irtenbide disruptiboak ezagutzeko eta lankidetza-aukerak sortzeko. 

Aurtengo edizioko berritasun nagusi gisa, DESek DES Universe aurkezten du, elkarri lotutako ekitaldien ekosistema berria, ekitaldiaren ohiko esperientzia ibilbide guztiz pertsonalizatu bihurtzen duena. Eredu horren bidez, DESek gaur egungo negozioetan bilakaera digitala eta teknologikoa bultzatzen ari diren teknologiak, joerak eta pertsona liderrak konektatzen ditu, eta adituek gidatutako edukiak, saio esklusiboak eta ezagutza praktikoak eskaintzen ditu, erabakiak hartzera eta enpresa-hazkundera bideratuta.

Testuinguru horretan, DES 2026ren programazioa DES Universeren parte diren hainbat gunetan antolatzen da; horien artean, honako hauek nabarmentzen dira:

• Digital Business World Congress, ekitaldiaren kongresu nagusia, lidergo globalean, etorkizuneko teknologietan eta ekonomia digitala moldatzen ari diren arrakasta-kasuetan oinarritua.
• The AInonomics, inbertsioaren itzulerara, etikara, agente autonomoetara eta gobernantza-esparruetara bideratutako adimen artifizialeko estrategietan zentratua.
• Cloud to Sky Connect, multicloud estrategiei, cloud first negozio-ereduei eta azpiegitura digital arinei eskainia.
• CyberXponential World, zibersegurtasun aurreratuan, IArekin egindako defentsa prediktiboan, Zero Trust ikuspegietan eta zibererresilientzian zentratua.
• Retail Tech Fest, IArekin egindako hiperpertsonalizaziora, merkataritza bateratura, marketplaceetara eta retailaren etorkizunera bideratua.
• Digital Marketing Planet, erabiltzaileen eskurapenean, ROIaren neurketan eta marketin digitaleko soluzio esponentzialetan zentratua.
• España Empresa Digital, enpresa-ehunaren bilakaera bultzatzen duten tresnak, pizgarriak eta talentua ezagutzeko gunea.
• The ScaleUp! World Summit, startup ekosistemara bideratua, lehiaketekin, inbertsio-aukerekin eta berrikuntza disruptiboekin.

Programak hitzaldiak, panel tematikoak eta networking guneak izango ditu, pertsona ekintzaileen, inbertitzaileen eta korporazioen arteko lotura errazteko, eta, gainera, erakusketa-eremu bat ere izango du, non Iberiar penintsulako startup eta scaleupetako batzuk aurkeztuko diren. Baieztatutako speakeren artean daude Randi Zuckerberg, Zuckerberg Mediako Founder and CEO; Richard Benjamins, OdiseIAko CEO; Aleida Alcaide, Eraldaketa Digitalerako eta Funtzio Publikorako Ministerioko Adimen Artifizialeko zuzendari nagusia; Gorka Unamuno, Multiverse Computingen Innovation and Strategic Alliances arloko burua, besteak beste.

Aurreko edizioan, Digital Enterprise Showk 17.000 profesional baino gehiago, nazioarteko 600 hizlari baino gehiago eta parte hartu zuten 400 enpresa baino gehiago bildu zituen, eta plataforma estrategiko gisa sendotu zen teknologia modu praktikoan nola aplikatu ulertzeko eta eraldaketa digitaleko prozesuetan aurrera egiteko.